Bu il Azərbaycan iqtisadiyyatına investisiya qoyuluşu 12 %-ə yaxın artıb | Banco.az

Bu il Azərbaycan iqtisadiyyatına investisiya qoyuluşu 12 %-ə yaxın artıb

Bu ilin yanvar-aprel aylarında Azərbaycanda əsas kapitala 5 milyard 230,4 milyon manat məbləğində, yaxud əvvəlki ilin müvafiq dövrü ilə müqayisədə 11,8 % çox investisiya yönəldilib.

Bu barədə  Dövlət Statistika Komitəsindən məlumat verilib.

Bildirilib ki, neft-qaz sektoruna yatırılmış investisiyaların həcmi 6,2 %, qeyri neft-qaz sektoruna yönəldilən investisiyaların həcmi isə 15,2 % artıb.

İstifadə olunmuş investisiyanın 2 milyard 828,9 milyon manatı və ya 54,1 %-i məhsul istehsalı sahələrinə, 1 milyard 979,3 milyon manatı (37,8 %-i) xidmət sahələrinə, 422,2 milyon manatı (8,1 %-i) isə yaşayış evlərinin tikintisinə sərf olunub.

Əsas kapitala yönəldilmiş investisiyaların 4 milyard 210,1 milyon manatını və ya 80,5 %-ini daxili investisiyalar təşkil edib. Əsas kapitala yönəldilmiş investisiyaların 3 milyard 687,6 milyon manatı və ya 70,5 %-i bilavasitə tikinti-quraşdırma işlərinin yerinə yetirilməsinə sərf olunub.

Ən sərfəli kredit üçün müraciət et

Bizi sosial şəbəkələrdən izləyin!!

Facebook

Instagram

Telegram

Ən sərfəli krediti almaq üçün müraciət et