ABŞ Mərkəzi Bankının (Fed) Açıq Bazar Komitəsi (FOMC) bu gün Bakı vaxtı ilə saat 23:00-da faiz qərarını açıqlayacaq.
Fed-in, ilin son yığıncağında faizlərdə dəyişiklik etməsi gözlənilmir. Bankın nə zamana qədər gözləmədə qalacağı isə bazarlar tərəfindən maraqla izlənilir. Həmçinin qlobal bazarlar, Fed sədri Jerome Powell-in (Cerom Pauel) gələcək dövrə dair edəcəyi şərhlərə fokuslanıb.
İqtisadçılar, Fed-in gələcək 1-2 il ərzində gözləmədə qala biləcəyini, ancaq hər hansı bir mənfilik olması vəziyyətində iqtisadiyyata lazımlı dəstəyi vermək mövzusunda qapını açıq qoya biləcəyini söyləyirlər.
Bu il 3 dəfə faiz endiriminə gedən Fed, iyul ayında pul siyasəti faizini 25 bənd endirərək 2,00%-2,25%, sentyabrda yenə 25 bənd azaldaraq 1,75%-2,00%, oktyabrda da yenə 25 bənd endirimlə 1,50%-1,75% aralığına endirmişdir.
Fed sədri Jerome Powell, oktyabr ayındakı yığıncaqda faiz artıramağın uyğun olacağı zamanların gələcəyinə işarə edərək, "Fed, bu an üçün faizləri artırmağı düşünmür" ifadəsini istifadə etmişdi.
"Fed, uzun müddət gözləmədə qala bilər"
"Capital Economics"in iqtisadçısı Michael Pearce, aşağı faizlərin və yaxşılaşan makroiqtisadi göstəricilərin bundan başqa faiz endiriminə ehtiyac olmadığı mənasını verdiyini söyləyib.
Fed-in, inflyasiyanın gözləniləndən əvvəl hədəfə çatsa belə erkəndən faiz artırmaq kimi bir səhvə düşmək istəmədiyini ifadə edən Pearce, bankın uzun müddət gözləmədə qala biləcəyi proqnozunu verib.
Bankın faiz endirimini bitirdiyini iddia edən Pearce, Fed-in ən azı 2021-ci ili sonuna qədər faizləri 1,50% - 1,75% aralığında saxlaya biləcəyini söyləyib.
Pearce, son yığıncaqdan bu yana iqtisadiyyata istiqamətlənmiş risklərin azaldığını, ABŞ iqtisadiyyatının durğunluğa düşmə ehtimalının 10% azaldığını, ancaq ticarət danışqlarında vəziyyətin təkrar pozulması halında və tariflərin artırılması vəziyyətində bu nisbətin təkrar yüksələ biləcəyini qeyd edib.
ABŞ iqtisadiyyatının dönüş nöqtəsinə yaxın olduğunu ifadə edən Pearce, yumuşaq maliyyə şərtlərinin sabitliyi bəsləyə biləcəyini və iqtisadi artımın sürətlənə biləcəyini söyləyib.
"Pul siyasəti ilıq sulardadır"
"Commerzbank"ın Fed İqtisadçısı Bernd Weidensteiner də Fed-in bugün faizlərdə dəyişiklik etməyəcəyini gözləyir.
Bankın bazar ilə ünsiyyətində hər hansı bir dəyişiklik olmadığını ifadə edən Weidensteiner, iqtisadiyyatın gözlənildiyi kimi irəliləmə qeyd etdiyini söyləyib. Weidensteiner, "Pul siyasəti ilıq sulardadır" ifadəsini istifadə edib.
Oktyabr ayında reallaşan yığıncaqdan bu yana iqtisadi mühitdə hər hansı bir ciddi dəyişiklik olmadığını vurğulayan Weidensteiner, Fed-in proqnozlarında da hər hansı bir dəyişiklik baş verməyəcəyini, ancaq bankın iqtisadiyyatı dəstəkləməyə hələ də hazır olduğunu söyləyib.
marja
