Müəllif: Tamara Mustafayeva, Banco.az
İngiltərədəki 5 atom elektrik stansiyasının istismar müddətini uzatmaq üçün 1,5 milyard avro sərmayə yatırılacağı açıqlanıb.
Banco.az xəbər verir ki, fransız nüvə enerjisi şirkəti “EDF” İngiltərədə işlətdiyi 5 atom elektrik stansiyasının istismar müddətinin 2026-cı ilə qədər uzadılması üzrə işlər görəcək.
Bu çərçivədə “EDF” tərəfindən adları “Sizewell-B”, “Torness”, “Heysham 2”, “Heysham 1” və “Hartlepool” olaraq açıqlanan atom elektrik stansiyalarına 1,5 milyard avro sərmayə qoyulacaq.
Britaniya hökumətinin təsdiqindən sonra istismar müddətinin artırılması işlərinin həyata keçirilməsi gözlənilir.
İngiltərədə 30-40 il əvvəl elektrik enerjisi istehsal etməyə başlayan bu elektrik stansiyalarının baxım işlərinə ehtiyacı olduğu bildirilir.
Bizi sosial şəbəkələrdən izləyin!!
