Müəllif: Mehin Qasımova/Banco.az
Alman lüks avtomobil istehsalçısı "BMW" üçüncü rüb üçün satış rəqəmlərini açıqlayıb.
Banco.az xəbər verir ki, "BMW" Group elektrikli avtomobil satışlarını ilin üçüncü rübündə keçən ilin eyni dövrü ilə müqayisədə 80 faiz artırıb.
Buna görə şirkətin avtomobil satışları iyul-sentyabr dövründə keçən ilin eyni dövrünə görə 5,8 faiz artaraq 622 minə çatıb.
Şirkətin ən böyük bazarı olan Çində avtomobil tədarüklərinin sözügedən dövrdə 2 faiz azalaraq 210 minə düşməsi diqqət çəkib.
Alman istehsalçının eyni rübdə elektrikli vasitə satışları keçən ilin eyni dövrünə görə 80 faiz artaraq 93 min 931 ədədə çatıb.
Şirkət ötən il 10 faizə yaxın olan elektrik avtomobillərinin ümumi satışdakı payını bu il 15 faizə çatdırmağı hədəfləyib.
"BMW"nin yanvar-sentyabr dövründə satışları keçən ilin eyni dövrü ilə müqayisədə 5 faiz artaraq 1 milyon 836 minə çatıb.
Bizi sosial şəbəkələrdən izləyin!!
