Bankların Novruz kampaniyaları

Milli bayramımız olan Novruz öz xoş əhval-ruhiyyəsi ilə artıq indidən hiss edilməyə başlayıb. Bu bayram sevinc və bərəkətin rəmzidir. Banklarımız da müştərilərini, sevənlərini bu bayram çox intizarda saxlamadan kampaniyalarına start verdi.

Bir-birindən maraqlı və sərfəli bayram kampaniyaları sizlər üçün bir yerə topladıq. Hər birindən yararlanmağa çalışın.

Bayramınız mübarək!!!

Kapital Bank

Martın 9-dan 19-dək Bankdan “Gündəlik tələbat krediti” məhsulu üzrə kredit əldə edən müştərilərə güzəşt tətbiq ediləcək. Belə ki, həmin müddət ərzində nağd pul krediti almaq üçün "Kapital Bank"a müraciət edən hər bir müştəri kreditin illik faiz dərəcəsində 2%-ə qədər endirim qazanacaq.

Caspian Development Bank

Hər zaman müştərilərini sevindirməyə çalışan CDB Bank yeni “Kart Mart” kampaniyasına start verib. Kampaniyanın özəlliyi ondan ibarətdir ki, hər bir müştəri banka müvafiq sənədlər təqdim etməklə “Kart Mart” kartına sahib ola bilər. Məqsəd Mart bayramlarında - 8 Mart Beynəlxalq Qadınlar Günü və Novruzda hər kəsə xarcləmək imkanı yaratmaqdır.

Azər Türk Bank

Kampanya müddətində ödəniş kartı əldə etmək üçün Banka müraciət edən bütün müştərilərə kart xidmət haqqının 50%-i dəyərində endirim edilir. Həmçinin, Azər Türk Bankın əməkhaqqı kart sahiblərinə təklif olunan "Korporativ" kredit məhsulu nağdlaşdırılan zaman birdəfəlik xidmət haqqı komissiyası tətbiq olunmayacaqdır.

Unibank

Novruz bayramı ilə əlaqədar 30-dək Unibank filiallarına müraciət edən hər kəs “ALBALI PLUS” debet kartını pulsuz alacaq.

Expressbank

Expressbank Novruz bayramı münasibətilə əmanət yerləşdirən bütün müştərilərə hədiyyələr təqdim edəcək. Aksiyanın şərtlərinə görə, bütün əmanət yerləşdirənlərə Visa / MasterCard Gold kartı hədiyyə olunacaq.

Ən sərfəli kredit üçün müraciət et

Azərbaycan Beynəlxalq Bankı

15 mart tarixindən etibarən ABB-nin müştərisi olan hər kəs bu kampaniyadan faydalanaraq AMERİCAN EXPRESS kartına pulsuz sahib ola bilər.

Müsabiqələr

3 dəqiqəyə İPhone 6s qazan!

Unibank Novruz bayramı öncəsi Azərbaycan facebook istifadəçilərini sevindirir. Maliyyə sektorunda ən çox istifadəçisi olan Unibank facebook səhifəsinin iştirakçıları səhifədə keçirilən viktorinada iştirak edərək, iPhone 6s qazanmaq şansına sahib ola bilər.

Papağını at Bank of Baku-ya,
Samsung Galaxy S7 edge qazan HƏDİYYƏ!

Bayram ərəfəsində "Papaqatdı" oyunu oynayın, Azərbaycanda Samsung Galaxy S7 edge smartfonunun ilk sahiblərindən biri olun! Həmçinin, Samsung Gear VR virtual reallıq eynəyi və 100 AZN-lik hədiyyə kartı qazanın.

Dəmirbank-Müsabiqə

Dəmirbank-dan rəngarəngliyi ilə seçilən, fərqli adət-ənənələr ilə zəngin olan, ən vacibi isə yurdumuza bahar gətirən Novruz bayramı ərəfəsində Facebook izləyiciləri üçün maraqlı müsabiqə.