2018-ci il yanvarın 1-nə “AzerGold” QSC-nin yerli banklar qarşısında borc öhdəliyi 110,194 milyon ABŞ dolları təşkil edib.
Bu, 2017-ci il yanvarın 1-i ilə müqayisədə 17,5% azdır.
Hesabat dövründə “AzerGold”un cari bank öhdəlikləri 12,4 dəfə artaraq 5,254 mln. dollara çatıb, uzunmüddətli bank öhdəlikləri isə 21,2% azalaraq 104,94 mln. dollara düşüb.
Qeyd edək ki, “AzerGold” 2016-cı ilin noyabr ayında “Xalq Bank”dan 5 il müddətinə 116 mln. dollar, “PAŞA Bank”dan 5 il müddətinə 15,8 mln. dollar, 2017-ci ildə mart ayında isə yenə də “PAŞA Bank”dan 4 il 9 ay müddətinə 7,601 mln. dollar kredit alıb. İllik 4%-lə alınmış bu kreditlərin ödəniş müddəti 2021-ci ilin noyabr ayında başa çatır. Şirkət həmin vəsaitlərlə keçmiş podratçılardan aktivlər qrupunun alınmasını maliyyələşdirib.
Report.az
