Müəllif: Gülnar Əhmədli, Banco.az
Portuqaliya bu ilin yanvar ayında Azərbaycandan 109 milyon 76 min dollar dəyərində neft idxal edib. Bu, illik müqayisədə 21 milyon 217 min dollar və ya 24,1% çoxdur.
Banco.az Dövlət Gömrük Komitəsinə istinadən xəbər verir ki, hesabat dövründə Portuqaliyanın idxal etdiyi neftin həcmi isə 215 min 986 ton olub. Bu da ötən ilin yanvarına nisbətən 55,7% artım deməkdir.
Qeyd edək ki, ötən ay Portuqaliya Azərbaycandan ən çox neft alan 5-ci ölkə olub. Yanvarda İtaliya Azərbaycanın xam neft ixrac etdiyi əsas ölkə olub.
Bizi sosial şəbəkələrdən izləyin!!
