2019-cu ilin yanvar-iyul dövründə Azərbaycanın xarici ticarət əməliyyatlarının həcmi  20 milyard 701 milyon 383 min ABŞ dolları təşkil edib.

Dövlət Gömrük Komitəsinin aylıq hesabatına əsasən, 7 ayda idxalın məbləği 8 milyard 433 milyon 668  min dollar, ixracın həcmi 12 milyard 267  milyon 714 min dollar, saldo müsbət 3 milyard 834 milyon dollar təşkil edib.

Müqayisə üçün qeyd edək ki, 2018-ci ilin yanvar-iyul dövründə Azərbaycanın xarici ticarət əməliyyatlarının həcmi 16 milyard 524 milyon 541 min dollar, o cümlədən idxal 5 milyard 776 milyon 222 min dollar, ixrac 10 milyard 748 milyon 319 min manat, saldo 4 milyard 2 milyon manat təşkil etmişdi.

İllik müqayisədə idxal 42%, ixrac isə 14,1% artıb, saldo isə 4,2% azalıb.

İYULDA İXRACDA SIÇRAYIŞ

İyul ayında Azərbaycanın ixracı 2  milyard 288 milyon 251 min dollar təşkil edib. Bu, İyun ayı ilə müqayisədə 1,7 dəfə çoxdur. İyunda ixrac 1 milyard 358  milyon 574 min dollar təşkil etmişdi.

İyun ayı ilə müqayisədə İyulda idxal da artıb. Aylıq müqayisədə idxal 20% artaraq 1 milyard 417 milyon 438 min dollar təşkil edib.

marja