Azərbaycanda ötən il internetdən istifadə edən əhalinin 9,6 %-ni işsiz şəxslər təşkil edib.

Dövlət Statistika Komitəsinin məlumatına əsasən, bu, 2024-cü ilin göstəricisi ilə müqayisədə 4,1 faiz bəndi çoxdur.

Hesabat dövründə internet istifadəçilərinin 72,5 %-ni (5,1 faiz bəndi az) məşğul əhali, o cümlədən 47,7 %-ni (1,8 faiz bəndi çox) muzdla işləyən, 52,3 %-ni (1,8 faiz bəndi az) özünü-məşğul şəxslər, 17,9 %-ni (1 faiz bəndi çox) isə iqtisadi qeyri-fəal şəxslər təşkil edib.

Ötən il kompüter istifadəçilərinin 74,1 %-ni (4,3 faiz bəndi az) məşğul əhali, o cümlədən 67,9 %-ni (4,5 faiz bəndi çox) muzdla işləyən, 32,1 %-ni (4,5 faiz bəndi az) özünü-məşğul şəxslər, 18,1 %-ni (1,1 faiz bəndi çox) isə iqtisadi qeyri-fəal şəxslər və 7,8 %-ni (3,2 faiz bəndi çox) işsiz şəxslər təşkil edib.

Eyni zamanda ölkədəki mobil telefon istifadəçilərinin 71,1 %-ni (5,3 faiz bəndi az) məşğul əhali, o cümlədən 48,8 %-ni (12 faiz bəndi çox) muzdla işləyən, 51,2 %-ni (1,2 faiz bəndi az) özünü-məşğul şəxslər, 19,2 %-ni (1,2 faiz bəndi çox) isə iqtisadi qeyri-fəal şəxslər və 9,7 %-ni (4,1 faiz bəndi çox) işsiz şəxslər təşkil edib.