Müəllif: Tamara Mustafayeva, Banco.az
ABŞ-da inflyasiya gözləntisi avqustda dəyişməyib.
Banco.az xəbər verir ki, ABŞ-da istehlakçıların qısamüddətli inflyasiya gözləntisi avqust ayında dəyişməyərək 3,6 faiz səviyyəsində qalıb.
ABŞ Federal Ehtiyat Sisteminin (FED) Nyu-York şöbəsi avqust ayına dair İstehlakçı Gözləntiləri Sorğusunun nəticələrini açıqlayıb.
Təxminən 1 300 ev təsərrüfatının iştirak etdiyi sorğunun nəticələrinə görə, növbəti 12 ay üzrə median inflyasiya gözləntisi avqustda əvvəlki ayla müqayisədə dəyişməyərək 3,6 faiz olub.
İstehlakçıların uzunmüddətli inflyasiya gözləntisi 3 faiz səviyyəsində sabit qalıb, orta müddətli inflyasiya gözləntisi isə 0,1 faiz bəndi azalaraq 3,2 faizə geriləyib.
Bizi sosial şəbəkələrdən izləyin!!
