Məlumdur ki, yanvar ayının 9-dan etibarən Mərkəzi Bank kommersiya banklarına kredit qadağası qoyub

Belə ki, artıq iş yerindən arayış təqdim etmədikdə müraciət edən şəxsə kredit verilmir. Bu qadağadan sonra bankların işi çətinləşib. Məlum qadağa bankların fəaliyyətinə mənfi təsir göstərib. Belə olan halda banklar çətin durumdan çıxmaq üçün alternativ yollar axtarırlar.

“Qafqazinfo”nun əldə etdiyi məlumata görə, artıq bəzi banklar problemdən çıxış üçün 3 üsul tətbiq edirlər 

1) Bank işçiləri əvvəllər bankdan kredit götürən şəxslərin siyahısına yenidən nəzər salır. Krediti vaxtlı-vaxtında ödəyib başa çatdıran şəxslərə yenidən müraciət edirlər. Bildirirlər ki, həmin şəxslər yenidən kredit götürə bilərlər. 

2) Banklar bir sıra kartlarını müştərilərə təqdim edirlər. 

3) Bank işçiləri məktəblərə gedir, müəllimlər üçün əlverişli kredit şərtlərinin olduğunu bildirirlər. 

Qeyd edək ki, bu ildən banklarda artıq avtomobil kreditləşməsi də dayanıb. Bundan sonra bəzi bankların öz filiallarını bağlamaq barədə qərar verdikləri də bildirilir. 

Mənbə - Milli.az