Azərbaycanda aqrar məsləhət platformaları yaradılır | Banco.az

Azərbaycanda aqrar məsləhət platformaları yaradılır

Aqrar məsləhət xidmətinin fermerlər üçün (xüsusilədə kiçik və orta fermerlər) əlçatan etmək məqsədilə təklif edilən Məhsul əsaslı Məsləhət Platformaları Azərbaycanın 2 bölgəsində sınaqdan keçirilir.

Bu barədə BMT-nin Ərzaq və Kənd Təsərrüfatı Təşkilatına (FAO) istinadən xəbər verir.

Məlumata görə, platformalar Avropa İttifaqının maliyyələşdirdiyi, FAO-nun həyata keçirdiyi “Aqrar Məsləhət Xidmətlərinin Gücləndirilməsi” layihəsi çərçivəsində yaradılıb. Layihənin pilot regionları seçilmiş Gəncə-Qazax və Quba-Xaçmaz bölgələrində 6 Məhsul əsaslı Məsləhət Platforması təşkil edilib. Şəmkirin Əliyaqublu kəndində pomidor, Samuxun Sərkar kəndində günəbaxan, Ağstafanın Böyükkəsik kəndində sorqo, Qubanın Çaykənarı (Alekseyevka) kəndində alma, Xaçmazın Hacıəlibəy kəndində gilas, Sayad kəndində isə açıq sahədə becərilən pomidor bitkisi üzrə yaradılmış məhsul əsaslı məsləhət platformalarının hər birinə layihə tərəfindən fasilitator – vasitəçi cəlb olunub.

Fasilitator fermer qrupuna becərdikləri məhsulla bağlı problemləri müəyyən etmək, qrup daxilində müzakirələr aparmaq və həll yollarını tapmaq üçün özəl və dövlət sektoru məsləhətçiləri və tədqiqatçıları ilə əlaqə qurmaqla yol göstərir. Seçilmiş icmalarda fəaliyyət göstərən fermerlər sorqo, açıq sahə pomidoru və günəbaxan bitkiləri üzrə yaradılmış bu qrupların faydalarını hiss etməyə başlayıblar.

"Başlanğıcda fermerlər təklif edilən yanaşmaya və fasilitatorların roluna şübhə ilə yanaşırdılar. Lakin müzakirələrdə iştirak etdikdən sonra faydalı tövsiyələr aldılar və bir sıra müsbət nəticələrin şahidi oldular. Fermerlər, zaman keçdikcə, daha çox iştirak etməyə başladılar və platformaya qoşulmaqda maraqlı oldular. Builki əkin mövsümünün təcrübəsi növbəti əkin mövsümündə bəzi platformalara kiçik nümayiş sahələrinin də daxil ediləcəyi barədə planlaşdırma etməyə əsas verir", - layihənin milli koordinatoru Vüqar Bəşirov qeyd edib.

Ən sərfəli kredit üçün müraciət et

Hazırda Quba və Xaçmaz rayonlarındakı məhsul əsaslı məsləhət platformalarının fasilitatorları alma və gilas bağlarında fermerlərin qarşılaşdıqları problemlərin həlli ilə bağlı araşdırmalar aparırlar.

“Hələlik fasilitatorlar təcrübəli fermer və aqronomlar arasından seçilir. Gələcəkdə fasilitatorların texniki bilikdən əlavə, problemi anlama, araşdırma şəbəkəsinin olması, kommunikasiya və doğru məlumatı əldə etmə bacarıqlarının olması da nəzərə alınacaq”, - deyə V.Bəşirov bildirib.

Məhsul əsaslı Aqrar Məsləhət Platformasını “Aqrar Məsləhət Xidmətlərinin Gücləndirilməsi” layihəsi çərçivəsində dövlətə təqdim ediləcək yeni Aqrar Məsləhət Xidməti Modelinin tərkib hissəsi olacaq.

Report

Bizi sosial şəbəkələrdən izləyin!!

Facebook

Instagram

Telegram

Ən sərfəli krediti almaq üçün müraciət et