Azərbaycanda 17 sahibkara 87 mln. manatlıq investisiya təşviqi sənədi verilib | Banco.az

Azərbaycanda 17 sahibkara 87 mln. manatlıq investisiya təşviqi sənədi verilib

Bu gün Bakıda İqtisadiyyat Nazirliyinin və Azərbaycan Sahibkarlar (İşəgötürənlər) Təşkilatları Milli Konfederasiyasının dəstəyi, Azərbaycanda İxracın və İnvestisiyaların Təşviqi Fondunun ("Azpromo") təşkilatçılığı ilə "Sahibkarlar Günü”nə həsr olunan konfrans keçirilir.

Tədbir çərçivəsində sahibkarlara investisiya təşviqi sənədləri təqdim olunub. 

Belə ki, 16 sahibkarlıq subyektinə ümumi dəyəri 86,52 mln. manat olan investisiya təşviqi sənədi verilib. 

Ən sərfəli kredit üçün müraciət et

Bundan başqa, 15 sahibkara ixracla bağlı 731,4 min manat məbləğində geri ödəmə barədə məktub-sərəncamlar təqdim edilib. 

Qeyd edək ki, indiyə qədər azərbaycanlı sahibkarlara verilən 140-a yaxın investisiya təşviqi sənədi üzrə 1,2 mlrd. manatlıq investisiya qoyuluşu və 8 min iş yerinin açılması nəzərdə tutulur. Artıq həmin sənədlərin 45-i üzrə layihələr reallaşdırılıb.

Mənbə: Report.az

Ən sərfəli krediti almaq üçün müraciət et