Müəllif: Tamara Mustafayeva, Banco.az
Avtonom sürücülük şirkəti "Kodiak" "Bosch" ilə tərəfdaşlığa başlayıb.
Banco.az xəbər verir ki, avtonom sürücülük texnologiyaları şirkəti “Kodiak AI” standart iri yük maşınlarına avtonom sürüş imkanları qazandıra biləcək aparat və proqram təminatı sistemi hazırlamaq məqsədilə qlobal avtomobil təchizatçısı “Bosch” ilə əməkdaşlığa başladığını açıqlayıb.
Əməkdaşlıq Las-Veqasda keçirilən 2026-cı il İstehlak Elektronikası Sərgisində elan olunub.
“Bosch” və “Kodiak AI” istehsalçıdan asılı olmayaraq yarımqoşqulu yük maşınlarını sürücüsüz hala gətirmək üçün nəzərdə tutulmuş ehtiyatlı (redundant) platformalar üzərində birgə çalışacaq. “Bosch” həmçinin “Kodiak AI” şirkətinə sensorlar, sükan texnologiyaları da daxil olmaqla, nəqliyyat vasitəsinin hərəkətini təmin edən müxtəlif aparat komponentləri təqdim edəcək.
“Kodiak AI” şirkətinin qurucu baş direktoru Don Burnett bildirib:
“Bosch ilə əməkdaşlığın avtonom sürüş üçün aparat təminatını miqyaslandırmağımıza, eləcə də kommersiya uğuru üçün zəruri olan modulluq, texniki xidmətin asanlığı və sistem səviyyəsində inteqrasiya imkanlarını — xüsusilə aparat və istehsal xətti inteqrasiyası sahəsində — təmin edəcəyinə inanırıq.”
Bizi sosial şəbəkələrdən izləyin!!
