Müəllif:Mehin Qasımova/Banco.az
Məşhur avtomobil şirkəti İsrailə maliyyə yardımı edib.
Banco.az xəbər verir ki, Almaniyanın avtomobil şirkəti "Mercedes", İsraildəki Birləşmiş Hatzalah və Alman Qırmızı Xaç adlı təşkilatlara 1 milyon avro dəyərində yardım paketi ayırıb.
Şirkətin yardımı reaksiya doğurub. Mercedes-Benz-in baş direktoru Ola Kaellenius sosial media hesabında paylaşım edib.
"İsrailə qarşı terror hücumlarından sonra bütün dünyada yayımlanan xəbərlər və görüntülər məni dərindən sarsıtdı. Yaxın Şərqdə sülh üçün mümkün fəsadlardan son dərəcə narahatam. Regionda həmkarlarım, çoxdankı tanışlarım və yaxşı dostlarım var. Zorakılığa məruz qalmış və yaxınlarının itkisi üçün yas tutan hər kəsə dərin hüznlə başsağlığı verirəm. Son günlərdə müxtəlif qurum və təşkilatlarla əlaqə saxladıq. Mercedes-Benz, xilasetmə vasitələrinin alınması üçün xeyriyyə təşkilatları United Hatzalah, eləcə də qardaş təşkilatlar, Almaniya Qızıl Xaç Cəmiyyətinə bir milyon avro bağışlayıb. Biz, əlbəttə ki, Təl-Əvivdəki Ar-Ge obyektimizdəki komanda ilə daim əlaqə saxlayırıq və onların təhlükəsizliyi bizim əsas prioritetimizdir" , -deyə o qeyd edib.
Bizi sosial şəbəkələrdən izləyin!!
