Azərbaycan Mühasiblər və Risk Peşəkarları Assosiasiyasının Banco.az-a verdiyi məlumata əsasən, onun korporativ üzvləri sırasına “Azəralüminium MMC” şirkəti daxil oldu. Azəralüminium MMC – Azərbaycan Respublikasının əlvan metallurgiya sənayesinin aparıcı şirkəti, həmçinin Cənubi Qafqazda yeganə ilkin aluminium istehsalçısıdır.
ARPA-nın korporativ üzvlükdən əlavə həmçinin “fərdi üzvlük” və “fəxri üzvlük” paketləri də mövcuddur.
Qeyd edək ki, 2009-cu ildən etibarən fəaliyyət göstərən ARPA 21 oktaybr 2019-cu il tarixində Azərbaycan Respublikası Maliyyə Nazirliyində “Peşəkar Mühasib Təşkilatı” kimi akkreditasiyadan keçmişdir.
Peşəkar mühasib təşkilatı kimi fəaliyyət göstərən qurumun məqsədi ölkədə maliyyə və idarəetmə sahəsində, xüsusilə mühasibatlıq və risklərin idarə olunması istiqamətində peşəkar yanaşmaların tətbiqinə təkan vermək və bu yolla Azərbaycanda iqtisadiyyatın dayanıqlı inkişafına töhfə verməkdir.
Bizi sosial şəbəkələrdən izləyin!!
