Müəllif: Tamara Mustafayeva, Banco.az
Argentinanın yeni lideri Xavyer Miley ölkəsində ticarətin liberallaşdırılması istiqamətində addımlar atır.
Banco.az xəbər verir ki, Miley hökuməti çərşənbə axşamı idxal məhdudiyyətlərini ləğv edərkən, ölkənin mərkəzi bankı xarici kommersiya borclarını ödəmək üçün dollar istiqrazlarını satmağa hazırlaşır.
Çərşənbə axşamı Argentinanın rəsmi vergi orqanı bir çox şirkəti hər göndəriş üçün manual təsdiq almağa məcbur edən idxal sistemini daha çox məlumat əsaslı versiya ilə əvəz edib.
Xatırladaq ki, dollar çatışmazlığı ilə üzləşən Argentinanın əvvəlki hökuməti pesonun həddindən artıq dəyərli olmasına səbəb olan valyuta nəzarətini saxlamağa çalışarkən idxalı da məhdudlaşdırmışdı. Miley hökuməti isə vəzifəyə başladığı ilk həftədə pesonu 50 faizdən çox devalvasiya edərkən, Mərkəzi Bank da ticarətin normallaşması istiqamətində mühüm addım kimi tükənmiş valyuta ehtiyatlarını bərpa etməyə başlayıb.
Bizi sosial şəbəkələrdən izləyin!!
