Müəllif: Tamara Mustafayeva, Banco.az
Amerika Çinin çip istehsalını yenidən araşdırmağa başlayıb.
Banco.az xəbər verir ki, ABŞ administrasiyası avtomobil, məişət əşyaları və müdafiə sistemləri kimi müxtəlif sahələrdə istifadə edilən köhnə tipli Çin yarımkeçiriciləri ilə bağlı araşdırma başlatdığını açıqlayıb.
Bu barədə ABŞ Ticarət Nümayəndəliyinin (USTR) bəyanatında deyilir.
Bəyanatda Çinin yarımkeçirici sənayesinə hakim olmağa yönəlmiş hərəkətləri, siyasətləri və təcrübələri ilə bağlı araşdırmaya başlanıldığı açıqlanıb.
Bildirilib ki, Çin yarımkeçirici sənayesində yerli və qlobal bazarlarda hökmranlıq etməyə çalışır. İddia olunur ki, ölkə yerliləşməyə və özünü təmin etməyə nail olmaq üçün geniş anti-rəqabət və qeyri-bazar üsullarından istifadə edib.
Qeyd olunub ki, araşdırma ilkin olaraq müdafiə, avtomobil, tibbi cihazlar, aerokosmik, telekommunikasiya, elektrik enerjisi istehsalı və elektrik şəbəkəsi kimi kritik sektorlar üçün alt məhsullarda komponentlər kimi istifadə edilənlər də daxil olmaqla, Çinin köhnə tipli yarımkeçiricilər istehsalına yönələcək. Silisium karbid substratlarının istehsalı ilə bağlı fəaliyyətlərin, siyasətlərin və təcrübələrin araşdırılacağı da bildirilib.
Bizi sosial şəbəkələrdən izləyin!!
