Dünya Bankı və Beynəlxalq Valyuta Fondu (IMF) ilə uzunmüddətli və səmərəli əməkdaşlıq Azərbaycanın institusional potensialının gücləndirilməsinə, iqtisadi dayanıqlılığın artırılmasına mühüm töhfə verir.
Azərbaycan Mərkəzi Bankı (AMB) xəbər verir ki, bunu Bankın sədrinin birinci müavini Əliyar Məmmədyarov Dünya Bankı və IMF-nin Seçki Qrupunun Daşkənddə keçirilən toplantısında bildirib.
O, həmçinin qlobal və regional makroiqtisadi trendlər, maliyyə sektorunun inkişaf dinamikası, eləcə də maliyyə sabitliyinin möhkəmləndirilməsi istiqamətində həyata keçirilən siyasət tədbirlərindən danışıb.
