Müəllif:Mehin Qasımova,Banco.az

Almaniya hökuməti 2,3 milyard kubmetr həcmində strateji təbii qaz ehtiyatı yaratmaq üçün 1,5 milyard avro ayırmağı planlaşdırır .

Banco.az xəbər verir ki, bu barədə Reuters agentliyi məlumat verib.

Layihə ehtiyat enerji infrastrukturu obyektlərinin sabotajı və ya qlobal bazarda ciddi çatışmazlıq kimi fövqəladə hallarda ölkənin enerji təchizatını təmin etməsinə kömək etmək üçün nəzərdə tutulub.

Agentliyin məlumatına görə, layihə avqustun ortalarına qədər təsdiqlənə bilər.

Bu ehtiyatların həcmi təxminən 2,3 milyard kubmetr təşkil edəcək ki, bu da ölkədəki bütün mövcud qaz anbarlarının tutumunun təxminən 10%-nə bərabərdir. Ehtiyatın yaradılması, alınması və 2027-2028-ci illər ərzində qazın vurulması təxminən 1,2-1,5 milyard avroya başa gələcək. Ehtiyata xidmətin illik dəyəri 150-180 milyon avro olacaq.