Müəllif: Tamara Mustafayeva, Banco.az
“Airbnb” süni intellekt şirkəti “GamePlanner.AI”ni satın alıb.
Banco.az xəbər verir ki, istirahət və yaşayış evlərinin kirayəsi xidmətlərini təqdim edən onlayn texnologiya platforması “Airbnb” “Siri”nin həmtəsisçisi Adam Çeyer və Siamak Hodjat tərəfindən qurulan süni intellekt şirkəti “GamePlanner.AI”ni 200 milyon dollara satın alıb.
Bu barədə “Airbnb” açıqlama verib.
“Airbnb” həmtəsisçisi və baş direktoru Brayan Cozef Çeski bildirib ki, “GamePlanner” komandası diqqəti seçilmiş süni intellekt layihələrinin sürətləndirilməsi və inteqrasiyasına yönəldəcək.
Xatırladaq ki, Çeski bu yaxınlarda “Airbnb” üçün süni intellektlə bağlı məqsədlərini açıqlamış və qeyd etmişdi ki, o, səyahətçilər haqqında məlumat sahibi olan və onlara uyğunlaşan səyahət məsləhətçisi yaratmaq üçün generativ süni intellektdən istifadə etmək istəyir.
Bizi sosial şəbəkələrdən izləyin!!
