“Caspian Development Bank” (CDB) və “Azər-Türk Bank” Azərbaycan İpoteka Fondunun (AİF) agent bankları olublar. Bu barədə fondun saytında dərc edilmiş məlumatda qeyd olunur.
Beləliklə, AİF-in agent banklarının sayı 30-a çatıb.
AİF-in vəsaitlərindən ipoteka kreditləri almaq istəyən Azərbaycan vətəndaşları indi CDB və “Azər-Türk Bank”a müraciət edə bilərlər.
Kommersiya şərtləri ilə ipoteka kreditləri manatla və yalnız Azərbaycan vətəndaşlarına verilir. Kreditlər 3 ildən 25 ilədək müddətə verilir. Kreditin maksimum həcmi 50 min manatı keçməməlidir. Kredit illik 8%-dən çox olmayan dərəcə ilə verilir.
Dövlət büdcəsindən yalnız sosial ipoteka maliyyələşdirilir. Onun maksimal həcmi 50 min manat təşkil edir. Kredit illik 4%-dən çox olmayan dərəcə ilə verilir.
