Müəllif:Mehin Qasımova,Banco.az

Avropa İttifaqı (Aİ) ABŞ-ın 12 Martda qüvvəyə minən polad və alüminium tariflərinə cavab olaraq, aprelin 1-dən etibarən ABŞ-dan idxal edilən məhsullara qarşı tədbirlər görəcək.

Banco.az xəbər verir ki, Avropa Komissiyasının bəyanatına görə, ABŞ-ın 28 milyard dollar dəyərində məhsullarına qarşı ABŞ gömrük rüsumlarının təsirinə məruz qalan məhsullara bərabər tədbirlər görüləcək.

Açıqlamada Avropa Komissiyasının ticarət mübahisəsinə həll yolu tapmaq üçün danışıqlara açıq olduğu bildirilib.

ABŞ-ın bütün idxal olunan polad və alüminiuma tətbiq etdiyi 25 faizlik əlavə rüsum əvvəlki istisnaların müddəti bitdikdən sonra bu gün qüvvəyə minib. Gömrük rüsumu təkcə xam məhsulu deyil, polad və alüminiumdan hazırlanan yüzlərlə məhsulu da əhatə edir.