“AGBank” ASC-nin “Bank Standard” KB-yə qoşulması ilə barədə razılıq əldə edilib.
Trend-n məlumatına görə, bu barədə QSC “Bank Standard” KB-nin və “AGBank” ASC-nin birgə bəyanatında deyilir.
“AGBank” ASC QSC “Bank Standard” KB-yə qoşulması ilə bağlı “AB Standard” Şirkətlər Qrupuna müraciət edib. Bu müraciət əsasında Şirkətlər Qrupu tərəfindən niyyət protokolunun imzalanması barədə qərar qəbul edilib.
11 fevral 2016-cı il tarixdə imzalanmış Niyyət protokoluna əsasən tərəflər “AGBank”-ın “Bank Standard”a qoşulması prosesinin həyata keçirilməsi üçün əməkdaşlıq etməyə dair razılıq əldə ediblər.
Aidiyyatı işlərin görülməsi üçün hər iki bankın nümayəndələrindən, habelə audit və hüquq şirkətlərinin nümayəndələrindən ibarət işçi qrupu yaradılacaq.
