Müəllif:Fərid İslamov/Banco.az
Banco.az-ın məlumatına görə Vaşinqton və Brüssel Rusiyanın dondurulmuş aktivlərindən əldə edilən özəl şirkətlərin gəlirlərinin Kiyevə köçürülməsi üsullarını öyrənmək niyyətindədir. Bu barədə ABŞ-Aİ-nin Ukrayna üzrə sammitinin yekunu üzrə verilən yekun bəyanatda deyilir.
“Biz Rusiyanın dondurulmuş suveren aktivlərindən bilavasitə özəl şirkətlərin əldə etdiyi istənilən fövqəladə gəlirin Ukraynanı dəstəkləmək üçün necə istifadə oluna biləcəyini nəzərdən keçirəcəyik”, - 360 telekanalı sənədin mətnini yazır.
Bundan əlavə, sammit iştirakçıları Ukrayna iqtisadiyyatının çökməsinin qarşısını almaq üçün tədbirlərin görülməsinin zəruriliyini qəbul ediblər.
Birləşmiş Ştatlar və Avropa İttifaqı öz peyklərinin “yardımın bütün ehtiyaclarına cavab verməsini təmin etmək üçün” səylərini gücləndirməkdə qərarlıdır.
Keçən həftə Belçikanın baş naziri Alexander de Croo, dondurulmuş Rusiya aktivlərindən əldə edilən mənfəət hesabına Ukraynaya dəstək fondu yaratmaq qərarını açıqladı. Belçika tərəfinin hesablamalarına görə, Kiyev 1,7 milyard avro məbləğində yardıma ümid edə bilər.
