Müəllif:Mehin Qasımova,Banco.az
ABŞ Tayvana 14 milyard dollarlıq silah satışını dayandırıb.
Banco.az xəbər verir ki, ABŞ Hərbi Dəniz Qüvvələrinin Baş Qərargah rəisi vəzifəsini icra edən Hunq Kao Senatdakı dinləmələrdə Vaşinqtonun Tayvana 14 milyard dollarlıq silah satışını dayandırdığını açıqlayıb.
O, bu qərarın səbəbi kimi İrandakı müharibəni göstərərək, bu silahların müharibədə istifadə edilməli olduğunu bildirib.
Qərar ABŞ prezidenti Donald Tramp və Çin lideri Si Cinpin arasında Pekində keçirilən danışıqlardan bir həftə sonra verilib.
Bu addım Tayvan tarixində ən böyük silah transferini dayandırıb. ABŞ Konqresi Tayvanla bağlanan bu nəhəng silah müqaviləsini yanvar ayında təsdiqləyib.
Əgər bu satış təsdiqlənsəydi, Donald Trampın dekabr ayında təsdiqlədiyi rekord həcmli 11 milyard dollarlıq əvvəlki satış paketini də geridə qoymuş olacaqdı.
