Tamara Mustafayeva, Banco.az
ABŞ neft qiymətləri üzrə proqnozunu yeniləyib.
Banco.az xarici mətbuata istinadla xəbər verir ki, ABŞ Energetika Nazirliyinin Enerji İnformasiya İdarəsi (EIA) bu il üzrə Brent markalı neftin və ABŞ xam neftinin qiymətinə dair proqnozunu artırıb.
Buna görə, bu il üzrə Brent markalı neftin ortalama fyuçers qiyməti 71.59 dollar, ABŞ xam neftinin fyuçers qiyməti isə 69.02 dollar proqnozlaşdırılıb ki, ötən ay bu göstəricilər müvafiq olaraq 71.38 dollar və 68.48 dollar idi.
Qeyd edək ki, qlobal neft istehlakının hasilatdan geri qalacağına dair gözləntilər 2022-ci ilə dair qiymət proqnozlarına təsir göstərən başlıca amillərdən olub. Belə ki, EIA tərəfindən gələn il üzrə Brent markalı neftin bir bareli üçün qiymət proqnozu 71.91 dollarda stabil saxlanılarkən, ABŞ xam neftində bu göstərici cüzi artımla 68.28 dollar qeyd edilib.
Bizi sosial şəbəkələrdən izləyin!!
