Müəllif: Tamara Mustafayeva, Banco.az
ABŞ istehsalçı inflyasiyası proqnozlara uyğun olaraq artıb.
Banco.az xəbər verir ki, ABŞ-da İstehsalçı Qiymət İndeksi (İQİ) enerji və ərzaq xərclərinin artmasını əks etdirərək sentyabr ayında əvvəlki ayla müqayisədə yüksəlib.
İQİ sentyabrda əvvəlki aya nisbətən proqnozlara uyğun olaraq 0,3 faiz artıb. İllik əsasda isə artım 2,7 faiz olub və 2,6 faizlik proqnozu üstələyib. İQİ avqustda aylıq 0,1 faiz azalmış, illik əsasda isə 2,6 faiz artmışdı. Əslində 16 oktyabrda dərc olunması planlaşdırılan hesabat hökumətin bağlanması səbəbindən bu tarixə təxirə salınıb.
Bu gün açıqlanan başqa məlumatlara görə, ABŞ-da pərakəndə satışlar gözləntilərin altında qalıb. Satışlar 0,2 faiz artıb. Bloomberg sorğusunda iştirak edən iqtisadçıların gözləntisi isə 0,4 faiz artım idi.
Bizi sosial şəbəkələrdən izləyin!!
