Müəllif: Tamara Mustafayeva, Banco.az
ABŞ-ın kommersiya xam neft ehtiyatları təxminən 3,4 milyon barel azalıb.
Banco.az xəbər verir ki, ABŞ-ın kommersiya xam neft ehtiyatları ötən həftə əvvəlki həftə ilə müqayisədə təxminən 3 milyon 400 min barel azalıb.
ABŞ Enerji İnformasiya İdarəsi (EIA) açıqlayıb ki, ölkədə kommersiya xam neft ehtiyatları ötən həftə təxminən 3 milyon 400 min barel azalaraq 424 milyon 200 min barel səviyyəsinə enib. Bazar gözləntisi ehtiyatların təxminən 600 min barel azalacağı istiqamətində idi.
Kommersiya xam neft ehtiyatlarına daxil olmayan strateji xam neft ehtiyatları isə 500 min barel artaraq 410 milyon 900 min barelə çatıb.
Həmin dövrdə ABŞ-ın benzin ehtiyatları isə təxminən 2 milyon 300 min barel artaraq 207 milyon 400 min barel olaraq qeydə alınıb.
Bizi sosial şəbəkələrdən izləyin!!
