Müəllif: Tamara Mustafayeva, Banco.az
ABŞ bəzi Hindistan mallarına 50 faizlik gömrük rüsumları tətbiq etməyə başlayıb.
Banco.az xəbər verir ki, ABŞ Rusiyadan neft aldığına görə Hindistandan idxal olunan bəzi məhsullara 50 faiz həcmində gömrük rüsumu tətbiq etməyə başlayıb.
Çərşənbə günü Vaşinqton vaxtı ilə saat 12:01-dən qüvvəyə minən qərarla ABŞ-ın Hindistandan aldığı bəzi mallara tətbiq olunan mövcud 25 faizlik gömrük rüsumu ikiqat artırılıb.
Vaşinqtonun onilliklərdir davam etdirdiyi Yeni Dehli ilə daha yaxın münasibətlər qurmaq cəhdlərini pozan bu addım, Trampın Hindistanı Rusiyadan neft alışı ilə bağlı tənqid etməsi, lakin Hindistanın bu mövzuda geri addım atmaması fonunda atılıb.
Yeni Dehli rəhbərliyi Rusiya ilə münasibətlərini müdafiə edib və ABŞ-ın hərəkətlərini “haqsız, əsassız və məntiqsiz” adlandırıb. Hindistan şirkətləri avqust ayının əvvəlində Rusiyanın “Urals” markalı neftinin alışını müvəqqəti dayandırsa da, bir neçə həftə sonra yenidən bazara qayıdıblar. Bu yüksək tarif dünyanın ən sürətlə böyüyən böyük iqtisadiyyatı olan Hindistanı, ən iri ixrac bazarı ilə ticarətdə çətin vəziyyətə sala bilər.
Bizi sosial şəbəkələrdən izləyin!!
