Müəllif: Tamara Mustafayeva, Banco.az
ABŞ-ın ticarət kəsiri sentyabr ayında artım göstərib.
Banco.az xəbər verir ki, ABŞ Ticarət Nazirliyinin məlumatına görə, sentyabr ayı ərzində Amerikada ixracat azalarkən, idxalat artıb. Bu səbəbdən də, 72,2 milyard dollar proqnoz qoyulan ticarət kəsiri 73,3 milyard dollar olub.
Sözügedən məlumatlar göstərir ki, sentaybrda Amerikadan əvvəlki aya nəzərən 1,1 faiz daha az, yəni 258 milyard dollarlıq ixrac həyata keçirilib. Eyni dövrdə ölkəyə idxal olunan məhsulların ümumi dəyəri isə 1,5 faiz artımla 331,3 milyar dollar hesablanıb.
Ekspertlərin 72,2 milyard dollar olacağını gözlədiyi ticarət kəsiri də proqnozları üstələyərək 73,3 milyar dollara çatıb.
Qeyd edək ki, ABŞ-ın Çinlə ticarət kəsiri avqustdakı 37,44 milyard dollardan sentyabrda 37,29 milyard dollara qədər azalıb.
Bizi sosial şəbəkələrdən izləyin!!
