Müəllif: Tamara Mustafayeva, Banco.az
ABŞ bir çox ölkə üçün viza prosedurunu dayandırıb.
Banco.az xəbər verir ki, "Fox"un xəbərinə görə, ABŞ-ın Dövlət Departamenti Rusiya, Braziliya və İran da daxil olmaqla 75 ölkə üçün viza prosedurlarını qeyri-müəyyən müddətə dayandırıb.
Bu addım dünyanın təxminən 200 ölkəsinin üçdə birindən çoxu üçün ABŞ-a səyahət imkanlarını məhdudlaşdıracaq. "Fox"un məlumatına əsasən, konsulluq əməkdaşlarına yoxlama və araşdırma prosedurları yenidən nəzərdən keçirilənədək viza verilməsindən imtina etmələri barədə göstəriş verilib. Xəbərdə qeyd olunur ki, bu tətbiq 21 yanvar tarixindən qüvvəyə minəcək.
Bundan əlavə, bu qərar ABŞ-ın ev sahibliyi edəcəyi Dünya Çempionatına təxminən beş ay qalmış qəbul edilib. Həmin dövrdə ölkəyə yüz minlərlə xarici ziyarətçinin gəlməsi gözlənilirdi.
Bu addım 2025-ci ilin sonlarında Vaşinqtonda bir Əfqanıstan vətəndaşının iki Milli Qvardiya əsgərini güllələməsindən sonra Trampın viza məhdudiyyətləri ilə bağlı səsləndirdiyi təhdidlərin ardınca atılıb.
"Fox"un xəbərinə görə, konsulluq əməkdaşlarına yoxlama və təhlükəsizlik araşdırması prosedurları yenidən qiymətləndirilənədək viza müraciətlərinin rədd edilməsi barədə təlimat verilib.
Bizi sosial şəbəkələrdən izləyin!!
