ABA fırıldaqçılıq halları ilə bağlı kart sahiblərinə müraciət edib | Banco.az

ABA fırıldaqçılıq halları ilə bağlı kart sahiblərinə müraciət edib

Azərbaycan Banklar Assosiasiyası (ABA) kart istifadəçi olan bank müştərilərinə xəbərdarlıq edib. Bildirilib ki, Bank hesabında olan pul vəsaitindən səlahiyyətsiz formada istifadə edilməsinin qarşısını almaq üçün ödəniş kartının məlumatlarını digər şəxslərə, hətta bank əməkdaşlarına və ya özünü bank əməkdaşı qismində təqdim edən şəxslərə bildirilməməlidir.

Bu barədə ABA məlumat yayıb.

"Ödəyəcəyiniz məbləğ müqabilində pul vəsaiti qazanacağınızı vəd edən sosial şəbəkələrdə yayılmış piramida tipli dələduzluq sxemlərinə qoşulub, tanımadığınız şəxslərin ödəniş kartına pul vəsaiti köçürməyin. Heç bir halda ödəniş kartının üzərində olan 16 rəqəmli nömrə, ödəniş kartının son bitmə tarixi, arxasında yerləşən CVV (3 rəqəmli) kod, SMS məlumatlandırma əsasında əldə etdiyiniz birdəfəlik şifrəni (4 və ya 6 rəqəmli) digər şəxslərə təqdim etməyin. Bu halda itirilmiş vəsaitin geri qaytarılması mümkün olmayacaq", - deyə Assosiasiyadan qeyd ediblər.

ABA-dan onu da əlavə ediblər ki, banklar tərəfindən telefon zəngləri və ya digər formada ödəniş kartına dair məlumatların təqdim olunması ilə bağlı kart sahiblərinə müraciətlər edilmir. Qeyd edilən hallarla qarşılaşanvətəndaş dərhal ödəniş kartının üzərində olan telefon nömrələri ilə əlaqə saxlamalıdır.

Ən sərfəli kredit üçün müraciət et

Bizi sosial şəbəkələrdən izləyin!!

Facebook

Instagram

Telegram

Ən sərfəli krediti almaq üçün müraciət et