Müəllif: Tamara Mustafayeva, Banco.az
ABŞ-da hökumət böhranı ilə bağlı hadisələr ötən həftə qlobal bazarlarda diqqət mərkəzində olub.
Banco.az ötən həftənin gündəm xəbərlərini təqdim edir.
Tramp hökumətin bağlanmasını başa çatdıran qanunu imzaladı
ABŞ Prezidenti Donald Tramp ölkə tarixində ən uzun davam edən hökumət bağlanmasını başa çatdıran qanunu imzalayıb.
Fed rəsmiləri iqtisadi perspektivdə fərqli mövqelər nümayiş etdirir
St. Luiz Fed Prezidenti Alberto Musalem əlavə faiz endirimlərinə ehtiyatla yanaşılmalı olduğunu vurğulayıb. San-Fransisko Fed Prezidenti Meri Deyli isə ABŞ iqtisadiyyatının yəqin ki, tələbin azalması ilə üzləşdiyini, gömrük rüsumları ilə bağlı inflyasiyanın isə hələlik nəzarət altında olduğunu bildirib. Fed İdarə Heyətinin üzvü Stefan Miran dekabr ayında üçüncü dəfə faiz endiriminin edilməsinin lazım olduğunu deyib.
Tramp ərzaq qiymətlərini azaltmaq üçün gömrük rüsumlarını aşağı salır
Tramp ərzaq qiymətlərini azaltmaq məqsədilə gömrük rüsumlarını azaldır və ticarət razılaşmaları imzalayır.
Çinin sənaye istehsalı son bir ilin ən zəif artımını qeydə aldı
Çində sənaye istehsalı və pərakəndə satışlar son bir ilin ən zəif artımını göstərib.
Dollarda kerri (carry) cazibəsi
Bloomberg hesablamalarına və bəzi investorların fikrinə görə, dollarla aparılan kerri treyd əməliyyatları yenidən cəlbedici olmağa doğru irəliləyir.
Bizi sosial şəbəkələrdən izləyin!!
