Müəllif: Mehin Qasımova/Banco.az
Artan ərzaq qiymətləri, mənzil kirayələrinin hədsiz artması, nəqliyyat problemləri və həyat səviyyəsinin aşağı düşməsi İstanbulda miqrasiyanı artırıb.
Banco.az xəbər verir ki, Türkiyə Statistika Komitəsinin məlumatına görə, son 5 ildə 2,2 milyon insan İstanbuldan başqa şəhərlərə köçüb .
Statistik məlumatlara görə, türklər İstanbulu tərk edərək öz məmləkətlərinə qayıtsa da, əcnəbi vətəndaşların bu şəhərə köçü səngimir. Şəhəri tərk edən türklər adətən öz məmləkətlərinə qayıdırlar.
Lakin İstanbulda Suriya və digər xarici vətəndaşların sayı daha da artıb.
Eyni dövrdə İstanbula 1 milyon 983 min insan köç edib. Suriyalılar da daxil olmaqla İstanbulun əhalisi 16 milyon 440 min olduğu halda, hələ də immiqrasiya almağa davam edən bu şəhəri tərk edənlərin sayı gələnlərdən 199 min nəfər çoxdur.
Oktyabr ayının əvvəlinə olan məlumata görə, İstanbulda oturma icazəsi ilə 576 min əcnəbi yaşayır.
Bizi sosial şəbəkələrdən izləyin!!
