Azərbaycanın ən geniş istifadə edilən kredit kartı olan Bolkart çox yaxında MasterCard loqosu ilə dövriyyəyə buraxılacaq və MasterCard Bolkart sahibləri MasterCard-ın bütün üstünüklərinə malik olacaq. Artıq Bolkart sahibləri yalnız ölkə daxilində deyil, eyni zamanda xaricdəki ticarət mərkəzlərində də kartları ilə alış-veriş edə bilərlər.Beləliklə, Bolkart istifadəçiləri aşağıdakı üstünlüklər əldə edəcəklər:
Ən iri beynəlxalq ödəniş sistemlərindən biri olan MasterCard ilə əməkdaşlığa yeni vüsət verməklə “Bank of Baku” Bolkartı qlobal miqyaslı plastik karta çevirmək hədəfini həyata keçirmiş olur. Eyni zamanda Azərbaycan Respublikası Mərkəzi Bankının ölkədə nağdsız ödənişlərin artırılması və genişləndirilməsi siyasətinə öz töhfəsini vermiş olur. “Bank of Baku” bu istiqamətdə Mərkəzi Bank ilə əməkdaşlığa xüsusi önəm verməyə davam edəcək. Azərbaycanda ödəniş kartları bazarının inkişafı və innovativ bank məhsullarının istehlakçılara təqdim olunması “Bank of Baku”-nun daimi diqqət mərkəzindədir.
Azərbaycanın plastik kartlar bazarında aparıcı maliyyə təsisatlarından olan “Bank of Baku”-ya məxsus kredit kartların əksəriyyətini bu gün Bolkart, loyal müştərilərə verilən “Dostlar Klubu” kartları, Visa və MasterCard, həmçinin Mybrands və İdeal kobrend kredit kart növləri təşkil edir. Məhz bu kredit kartları hazırda vətəndaşlar arasında daha böyük populyarlığa malikdirlər. Hal-hazırda “Bank of Baku”-ya toplam olaraq 250.000-nə yaxın kart məxsusdur. Bu kartların 100.000-dən çoxunu isə Bolkart təşkil edir.
Qlobal miqyasda nağdsız ödəmələri hədəfləyən MasterCard şirkəti isə 40 ildən çoxdur ki, fəaliyyət göstərir. Bu şirkətin kredit kartları ilə dünyanın əksər ölkələrində əməliyyatlar keçirmək olar. MasterCard şirkəti və “Bank of Baku” artıq 10 ilə yaxındır ki, məhsuldar əməkdaşlıq edirlər. Beləliklə, artıq Bolkart sahibi dünyanın istənilən guşəsində öz kartından istifadə edə bilər.
