29 may 2015-ci il tarixində Bank VTB (Azərbaycan)-nın səhmdarlarının növbədənkənar ümumi yığıncağı keçiriləcək. Tədbir bankın baş ofisində, Xətai prospekti 38 ünvanında saat 11:00-da olacaq. İclasın gündəliyinə bankın səhmdarlarının növbəti ümumi yığıncağının katibinin seçilməsi, bankın 2014-cü ilə olan maliyyə hesabatlığına baxılması məsələləri, eləcə də bankın 2014-cü ilə olan mənfəətinin bölüşdürülməsi və dividendlərin ödənilməsi haqqında təklifləri daxildir. Bundan başqa səhmdarlar “Bank VTB (Azərbaycan) ASC-nin kommersiya maraqlarının açıqlanması qaydalarının” yeni redaksiyasının təsdiqlənməsi məsələsini də müzakirə edəcəklər.
