"Miles” kartlar, bankların müştərilər ilə əməkdaşlığı, loyallığı qarşılığında, müəyyən imtiyazlar qazandıran  bank məhsuludur. Bu kartlar vasitəsiylə apardığınız əməliyyatların qarşılığında toplanan ballara uyğun olaraq  aviabiletlər üzrə güzəştlər qazana bilirsiniz. Banklar üzrə bu güzəşt və təkliflər, onların təqdim etdiyi kartlara görə fərqlənir. Bu kartlar “classic”, “gold” , “platinum” kimi növlərə bölünür ki, bu da qiymətdə və imtiyaz səviyyələrində fərqlilik deməkdir.

Azərbaycanda bu kartları Kapital Bank, Bank Silkway və Unibank təqdim edir. Onu qeyd edək ki, bu kartlar bir-birindən həm xususiyyətlərinə, həm də üstün cəhətlərinə görə fərqlənir.  Məsələn digər iki bankda millərə görə hesablanan tariflər həm ölkə daxili, həm də ölkə xarici standart rəqəmlər olsa da, Unimiles kartda partnyorlarına görə fərqlənir. Qazandığınız milləri hesablamaq üçün bu linkdən istifadə edə bilərsiniz.