Bank of Azerbaijan yeni "TƏTİL" əmanətini müştərilərinə təqdim edir. Tətil əmanəti üzrə əmanət yerləşdirən Bankın hər bir müştərisinə əmanət faizləri əvvəlcədən ödəniləcək.
20 illik yubileyini qeyd edən Amrahbank uğurlarını müştərilərilə paylaşaraq yeni Visa Classic, Visa Gold və Mastercard Platinum sahiblərinə illik 5% gəlir təklif edir.
Yubiley kartları, SMS xəbərdarlıq və internet bank xidmətləri pulsuzdur, sığorta depoziti tələb olunmur.
“FINCA Azerbaijan” müştərilərə yaxın, daha rahat və surətli xidmətlər göstərmək məqsədilə yeni, müasir, geniş və PayPoint ödəmə terminalı ilə təchiz olunmuş Siyəzən sub-ofisini müştərilərin ixtiyarına verdi. Heydər Əliyev küçəsində yerləşən yeni ofisin açılış mərasimində “FINCA Azerbaijan”ın rəhbər şəxsləri, yerli İcra Hakimiyyəti orqanın nümayəndələri, digər maliyyə təşkilatların mütəxəssisləri və müştərilər iştirak etdilər. Qonaqlar sub-ofisin fəaliyyətində stabilliyi, yüksək xidmət standartlarını və dinamik inkişafı qeyd edərək filiala çevrilməsini arzu etdilər.
“Bank Technique” ASC daha bir innovativ xidmətini müştərilərinin ixtiyarına verdi. Artıq hesablara vəsaitlərin mədaxil olunması üçün Banka gəlməyə ehtiyac yoxdur! İndi, “Bank Technique”də xidmət olunan hesablara, ödəniş (plastik) kartına sahib olan istənilən şəxs, bankomatlar (ATM) və ya online.banktechnique.az saytındakı “Şəxsi Kabinet” funksiyası vasitəsilə pul mədaxilini edə bilər. Bu cür əməliyyatlardan həm kreditlərin ödənişi, həm də şəxsi koçürmə və ya hesabın möhkəmləndirilməsi məqsədilə yararlanmaq olar.
10-15 iyul tarixlərində Bolkartla “Sabina” mağazalar şəbəkəsindən hər 80 manatlıq alış-veriş edən kart sahibləri 10 manatlıq Sabina hədiyyə kartı alacaq. Eyni zamanda, alış-veriş edən kart sahibi 6 aya əlavə xərcsiz ödəmə imkanı da qazanmış olacaq. Daha çox miqdarda alış-veriş edən Bolkart istifadəçisi, daha böyük məbləğli hədiyyə əldə edəcək. Misal üçün, Bolkart sahibi 160 manatlıq alış-veriş etdikdə 20 manatlıq Sabina hədiyyə kartı əldə etmiş olacaq və sairə.
“AGBank” daha bir idman yarışına dəstək oldu.
Belə ki, iyulun 11-də Day.az media şirkətinin 10 illik yubileyinə həsr olunmuş Şahmat turniri AGBank-ın Baş Sponsorluğu ilə keçirildi.
AccessBank 11 iyul 2013-cü il tarixində Londonda Euromoney Nəşriyyat Qrupu tərəfindən hər il keçirilən “Ən Yaxşı Nəticələr” mükafatlandırma mərasimində “Azərbaycanın ən yaxşı Bankı” adına layiq görülüb. Bu nominasiyada Bank artıq dördüncü ildir ki, bu mükafatı qazanır.
“Unibank” müştəriləri üçün daha bir yenilik edib.
“Azər-Türk Bank” ASC 11 iyul 1995-ci ildən etibarən fəaliyyət göstərməkdədir. Bank fiziki və hüquqi şəxslərə geniş çeşidli xidmətlər göstərməklə Azərbaycan və Türkiyə arasında iqtisadi əlaqələrdə əhəmiyyətli rol oynamaqdadır. Nəzərinizə çatdıraq ki, Bankımız Türkiyə Respublikasının Ziraat Bankı, Azərbaycan Respublikasının Aqrarkredit Səhmdar Kredit Təşkilatı, Almaniyanın Ziraat Bank İnternational AG və Turanbank ASC tərəflərindən təsis edilmişdir .
ASC “Xalq“ Bankı iyul ayının 6-da www.xalqbank.az saytında ödənişləri onlayn ödəyən müştərilər arasında oynanılan lotereyanın uduşunu keçirdi. Tiraj komissiyasının tam tərkibdə üzvlərinin nəzarəti ilə keçirilən uduşda 10 594 bilet iştirak edirdi. Uduşda İpad mini planşet kompüteri, Samsung Galaxy S3 mini smartfonu, şəhərin ən yaxşı restoranlarından birində iki nəfərlik şam yeməyi üçün dəvətnamələr, parfüm məhsulları və 150-yə yaxın digər hədiyyələr oynanılmışdı.
