Unibankan yaşlılar üçün olan krediti daha da sərfəli etdi. Artıq 55 yaşdan 70 yaşadək (borcun bitmə anına) kredit götürən hər kəsə komissiyada 50% endirim edilir. Üstəlik hər 1000 AZN götürülən kreditə aylıq ödəniş cəmi 31 AZN-dən başlayır. Yaşlı olmağın yaratdığı belə üstünlüklərdən istifadə etməyə tələsin, çünki kampaniya dekabrın 15-dək davam edəcək.
“Bank Technique” ASC-nin fiziki şəxslərin müddətli depozit portfelinin artım dinamikası bu ilin əvvəli ilə müqayisədə 66,7% artaraq, rekord həddə çatıb.
Bankdan daxil olmuş məlumata görə, 2013-cü ilin noyabr ayının 19-u tarixinə Bankda əhalinin müddətli əmanətlərinin ümumi həcmi 131,7 milyon təşkil edib ki, bu da cari ilin yanvar ayı ilə müqayisədə 52,7 milyon manat və ya 66,7% çoxdur. Əmanətçilərin sayı 62 700 nəfəri ötüb.
Unibank-ın aktivlərinin həcmi rekord həddə çatıb. Bankın malik olduğu aktivlər noyabrın əvvəlinə 700 mln. AZN-i keçib.
Öz maliyyə göstəricilərinə görə, son illərdə Azərbaycan bank sektorunun liderlərindən olan Unibank müxtəlif mülkiyyət formasına və fəaliyyət istiqamətlərinə aid olan 5 minə yaxın korporativ və 440 mindən artıq fərdi müştəriyə xidmət göstərir.
Ötən ilin sonunda dövriyyəyə buraxılan vaxtdan etibarən 30.000 ədəddən artıq “Box’ça” istehlakçılar tərəfindən əldə edilib. “Box’ça”-larda Bolkart MasterCard kredit kartı və nağd pul krediti imkanı verən kredit kartları yerləşdirilib.
2013-cü il noyabr ayının 15-də “Bank Technique”in “Şans” depoziti üzrə vəsait yatıran əmanətçilərinin arasında “Volkswagen Polo” avtomobilini qazandırmaq şansını verən “Şans Technique” adlı stimullaşdırıcı lotereyasının ilk tirajı oynanılıb.
Lotereyanın qalibi Bankın Baş ofisinin müştərisi Qaraxanova Ləman Etibar qızı olub.
“Atrabank” ASC-nin səhmlərinin buraxılışı qeydiyyata alındı.
“Atrabank” Açıq Səhmdar Cəmiyyəti bankın məcmu kapitalını 50 (əlli) milyon manatadək artırılması ilə bağlı Səhmdarların 17 oktyabr 2013-cü il tarixli qərarına əsasən kütləvi təklif üsulu ilə yerləşdirilən, hər birinin dəyəri 400 (dörd yüz) manat olan 100 000 (yüz min) ədəd adi sənədsiz adlı səhmlərinin buraxılışı Azərbaycan Respublikasının Qiymətli Kağızlar üzrə Dövlət Komitəsində 12 noyabr 2013-cü ildə qeydiyyata alınmışdır.
Bakıda PAŞA Bankın yeni Biznes-mərkəzinin açılış mərasimi keçirilib. Biznes-mərkəzin fəaliyyəti kiçik biznes nümayəndələri ilə işə yönəldilib. Açılış mərasimində PAŞA Bankın rəhbərliyi, müştəriləri və yeni Bölmənin əməkdaşları iştirak ediblər.
Kapital Bankın oktyabrın 1-dən start verdiyi lotereya kampaniyasının ilk 100 qalibi məlum olub. “Ödəmələr hədiyyəli, hər ay qazan bir 50!” devizi altında keçirilən lotereyanın şərtlərinə uyğun olaraq hər bir qalibin kart hesabına 50 manat köçürüləcək. Kampaniya 1 yanvar 2014-cü ilə qədər davam edəcək.
Unibank-ın daha bir lotereyasının qalibləri açıqlanıb. Bankın “Alkredit plus nağd krediti əldə edin və qazanın” adlı tirajlı stimullaşdırıcı lotereyasının ilk tirajının qalibləri müəyyən edilib. Müsabiqə komissiyasının iştirakı ilə elektron püşkatma qaydasındakeçirilən uduş fondunun nəticələrinə əsasən, 26 qalib seçilib. Qaliblərdən 20 nəfər 100 manat , 4 nəfər 500 manat, 2 nəfər isə 1000 manat pul mükafatı əldə ediblər.
Parabank "Xeyriyyəçi" adlı yeni əmanət növünü təqdim edir. Əmanətin fərqli cəhəti əmanətin yerləşdirildiyi müddət ərzində əmanət üzrə hesablanmış faiz məbləğinin Bank tərəfindən və əmanətçinin adından xeyriyyə aksiyalarının keçirilməsi (kimsəsiz və qüsuru olan uşaq evlərinə yardım və şənliklərin keçirilməsi; vətəndaşların Həcc Ziyarətinə göndərilməsi; ağır xəstələrin tibbi müalicəsi və sair); məqsədlərinə xərclənməsi üçün köçürülməsidir.
