Unibank Azərbaycan xalqını Novruz bayramı münasibəti ilə təbrik edir və xeyir-bərəkət arzulayır. Albalı sahibləri üçün Unibankın xüsusi Novruz hədiyyəsi var. Çünki Albalı kartı olanları düz 8 günlük bayram sürprizi gözləyir.
Yazın ilk müjdəsi- Unibankdan sərfəli kredit. Bayramın gəlişi münasibəti ilə Unibank müştərilərinə Novruz hədiyyəsi edir. Bu gündən martın 19-dək və martın 24-dən 26-dək istənilən Unibank filialina müraciət edən müştərilərə kredit komissiyalarında 50% endirim ediləcək. Üstəlik bütün müştərilər kreditlərdə 6%-dək endirimdən istifadə edə biləcəklər.
Kapital Bankın bəzi filialları 24, 25, 26 mart tarixlərində müştərilərin xidmətində olacaq. Həmin filiallar bunlardır: Bakı və Sumqayıt şəhərlərində yerləşən filiallar (1 saylı Sabunçu, 1 saylı Səbail, Şuşa, 2 saylı Xətai, Tərəqqi, 1 saylı Yasamal rayon filialları istisna olmaqla); Abşeron, Sabirabad, İmişli, Ağdam, Kəpəz, Saatlı, Xaçmaz, Cəlilabad, Lənkəran, Zaqatala rayon, Gəncə şəhər filialları.
Novruz bayramından sonra, 27 mart 2014-cü il tarixindən başlayaraq, “Bank Technique” ASC-nin Müştəri Xidməti Departamenti Atatürk prospekti, 1107 ünvanından köçürülərək Babək prospekti 16, ünvanında yerləşən yeni inzibatı binada fəaliyyət göstərəcək.
DəmirBank Novruz Bayramı münasibətilə “Sərfəli Novruz” adlı güzəştli kredit aksiyası keçirir. Aksiya 28 mart 2014-cü il tarixinədək davam edəcək.
Əmanətlərimizi etibar etməyimiz, toplanan pulların üzərindən xərcləmələr etməməyimiz və nəticədə əldə etmək istədiklərimizi zamanında qazanmaq üçün Yapı Kredi Bank Azərbaycan fürsətlər yaradır.
Əmanətlərimizin Yapı Kredi Bank Azərbaycana yatırırlmasının bir neçə üstünlükləri vardır.
Novruz bayramı ilə əlaqədar “Bank of Baku” Bolkart sahibləri üçün sərfəli alış-veriş kampaniyası elan edir.19 mart 2014-cü il tarixinə qədər Bolkartın keçərli olduğu iri supermarket və mağazalarda alış-veriş edən kart sahibləri, ödənişlərini iki ay sonra etmək imkanı qazanacaq. Beləliklə, kart sahibi alış-verişini martda edib, ödənişini isə may ayında edəcək.
16 mart 2014-ci il tarixində "AtaBank”ın dəstəyi ilə məktəbli uşaqlar üçün Novruz bayramı şənliyi təşkil olundu. 350-dən artıq uşağın iştirak etdiyi Novruz şənliyində şən klounlar, Kosa və Bahar qızı uşaqlar üçün əyləncəli oyunlar, viktorinalar keçirdilər, onlara bayram sevincini yaşatdılar. Şən musiqi sədaları altında uşaqlar rəqs etdilər və tədbirin sonunda uşaqlara hədiyyələr verildi.
