Müştərilərin rahatlığını təmin etmək məqsədilə “Bank of Baku” internet bankçılıq xidmətinin yeni formatda tətbiqinə başlayıb. Bundan belə yeni sistem sayəsində müştərilər istifadə etdikləri bank məhsul və xidmətləri barədə dəqiq və ətraflı məlumat əldə edəcəklər. Bura cari hesablar, əmanət, plastik kartların balansı, kreditlər və digər xidmətlər daxildir. İnternet bankçılığa qoşulmaq haqqı pulsuzdur. Yeni formatda internet bankçılıq sayəsində bank müştəriləri həmçinin hesablarına dair son 3 ili əhatə edən çıxarış əldə edə bilərlər.
VF AzərKredit Beynəlxalq Maliyyə Jurnalının “Ən Yaxşı Mikromaliyyə Təşkilatı” mükafatına layiq görülmüşdür
VF AzərKredit İngiltərənin nüfuzlu Beynəlxalq Maliyyə Jurnalının (International Finance Magazine) “Maliyyə Mükafatları – Azərbaycan 2013” üzrə təsis etdiyi “Ən Yaxşı Mikromaliyyə Təşkilatı” mükafatına layiq görülmüşdür.
DəmirBank müştəri sorğuları və şikayətləri üzrə qəbul saatları təyin edib
DəmirBank müştəri xidməti keyfiyyətinin artırılması, müştəri şikayətlərinin və sorğularının daha səmərəli formada araşdırılması məqsədilə müştərilər üçün qəbul saatları təyin edib.
Artıq müştərilər həftənin II və IV günləri, saat 15:00-dan 17:00-dək Bankın baş ofisinə - Keyfiyyətə Nəzarət şöbəsinə yaxınlaşa bilərlər. Şöbənin əməkdaşları ilə görüş üçün əvvəlcədən telefon və ya e-mail vasitəsi ilə qeydiyyatdan keçmək zəruridir.
Azərbaycanda yeni bank məhsulu - “Visa Gift”
“Muğanbank” ASC müştərilərə Azərbaycan bank sektorunda yeni məhsul olan “Visa Gift” hədiyyə kartını təklif edir. Hədiyyə kartları layihəsi Muğanbank və VISA International beynəlxalq ödəniş sistemi tərəfindən birgə hazırlanmışdır. Kartların nominal məbləği 50, 100 və 150 AZN təşkil edir və kartı alan zaman ödənilir.
VTB (Azərbaycan) kommunal ödənişlərin qəbulu layihəsini həyata keçirib
Bank VTB Azərbaycan KÖMİS – Kütləvi Ödənişlər üzrə Mərkəzləşdirilmiş İnformasiya Sisteminə qoşularaq, müştərilərdən kommunal ödənişlər, cərimələr və rüsumların qəbulu layihəsinə başlayıb. Bu sistemə qoşulmaqla artıq müştərilər işıq, qaz, su, istilik, rabitə, DYP cərimələri və digər rüsumları rahatlıqla filiallarda ödəyə biləcəklər.
"Atrabank"dan aksiya davam edir
"Atrabank" ASC növbəti aksiyası davam edir. İndi plastik kartları daha əlverişli şərtlərlə əldə etmək olar.
Visa Electron - 10 AZN
Visa Classic 35 deyil artıq 20 AZN
Visa Gold 50 deyil 30 AZN
Bank of Azerbaijan bayram günləri də işləyir
Bank of Azerbaijan “Milli Bayraq günü” bayramı münasibəti ilə bütün Azərbaycan xalqını təbrik edir. Bank bayram günlərində də müştərilərinə xidmət etməkdə davam edəcək.
Noyabrın 09-dən 10-dək Bakı şəhərində 18 saylı filial, regionlarda isə “Sumqayıt” və “Gəncə” filialları saat 13.00-dan 22.00 - dək müştərilərə xidmət göstərəcək. 11 noyabr bank üzrə istirahət günüdür.
“Bank Technique” metropoliten işçilərinə sadələşdirilmiş şərtlərlə kredit imkanı yaradır
Bu gün Bakı Metropoliteni işçiləri öz peşə bayramını qeyd edirlər. Metropoliten işçilərini əməkhaqqı kartları ilə təmin edən Bank olaraq, “Bank Technique” onları peşə bayramı münasibətilə tərik edir və güzəştli şərtlərlə kreditlərdən yararlanmağı təklif edir.
Kapital Bankda oktyabr ayının qalibləri müəyyənləşdi
Kapital Bankın filiallarında bank məhsulu və xidmətlərinin satışı ilə məşğul olan işçilərin əməyinin stimullaşdırılması məqsədilə keçirilən müsabiqənin oktyabr ayı üzrə qalibləri məlum olub.
İndi MilliÖn terminallarında tək kredit yox, həm də debet kartlarınızın hesablarına pul qoya biləcəksiniz.
Bank Standard MilliÖn xidməti ilə əməkdaşlıq çərçivəsində bankın müştərilərinə göstərilən xidmətlərin arasına yeni birisini əlavə etdi. İndi Bank Standard tərəfindən buraxılan bütün aktiv debet kartların* sabiləri MilliÖn terminalları vasitəsi ilə hesablarına pul qoya biləcəklər.
Pulu hesaba iki növ pul vahidində - ABŞ dolları və AZN-da alınan kartların sahibləri qoya bilərlər. Əməliyyatı MilliÖn-a məxsus bütün terminallarda etmək mümkündür.