Bank VTB (Azərbaycan) öz müştəriləri üçün “Yaz hədiyyəsi” adlı yeni depozit aksiyasına start verib . Bu aksiya çərçivəsində “Zəmanətli” depoziti üzrə 12 ay müddətinə əmanət yerləşdirən müştərilər əlavə bonus faizləri qazanacaq.
Azər-Türk Bank müştərilərə təqdim etdiyi ödəniş kartları üzrə yeni kampaniyaya start verib. MasterCard ödəniş kartlarının müxtəlif növlərini indi Bankdan yarı qiymətinə - 50 faiz endirimlə almaq olar. Martın əvvəlindən başlanan kampaniya yaz ayları boyunca davam edəcək.
Kapital Bank Balakən filialının müştərisi olmuş Ziyavəddin Mehdiyevin dünən bəzi kütləvi informasiya vasitələrində yayılan tənqidi fikirlərinə aydınlıq gətirib. Bankın mətbuat xidmətinin bu barədə yaydığı açıqlamada bildirilir ki, Ziyavəddin Mehdiyev 17 oktyabr 2014-cü il tarixində Bankın korporativ saytına şikayət göndərib. Şikayətin araşdırılması məqsədilə 22 oktyabr 2014-cü il tarixində o, Bankın Baş ofisinə dəvət edilib və səlahiyyətli şəxslər onunla görüş keçiriblər.
Əhalinin sıx yerləşmiş rayonlarındna biri olan Yasamal rayonunda iki filialını birdən müştərilərinin istifadəsinə verən Yapı Kredi Bank Azərbaycan, bununla da ümumi filial sayını 18-ə çatdırdı. Bankın yeni xidmət məntəqələrində müştərilər istehlak və biznes kreditləri, əmanətlər, pul köçürmələri, məşhur kredit kartı markası-Worldcard, valyuta əməliyyatları və digər bank məhsullarını əldə edə biləcəklər.
“DəmirBank” təqdim etdiyi “DəmirTaksit” kredit kartının verilişilərini davam etdirir. Bank bununla yanaşı, “DəmirTaksit” kart sahibləri üçün davamlı olaraq aksiyalar həyata keçirir ki, bu da kart sahiblərinə aksiyalardan yararlanaraq dəyərli hədiyyələr əldə etmək imkanı verir. Belə ki, “DəmirTaksit”lə mart ayı ərzində ən çox nağdsız əməliyyat aparmış ilk 8 nəfərə televizor, notebook, fotoaparat kimi hədiyyələr təqdim ediləcək.
Rabitəbank ASC 02.03.2015 –ci il tarixindən əmanətlərinin faiz dərəcələrini 13% - dək artırdı.
Expressbank-ın 8 mart – Beynəlxalq Qadınlar Günü münasibətilə keçirdiyi kredit aksiyası 8 mart 2015-ci il tarixinədək davam edir.
3 mart 2015-ci il tarixində Bakıya rəsmi səfəri zamanı bank VTB prezidenti - İdarə Heyətinin sədri Andrey Kostin Azərbaycan Respublikasının prezidenti İlham Əliyevlə görüşüb. Görüş zamanı Andrey Kostin qeyd edib ki, VTB Azərbaycanda öz biznesini inkişaf etdirməkdə maraqlıdır.
Kapital Bankın “Depozitləriniz yüksəlsin” adlı uduşlu depozit kampaniyası çərçivəsində həyata keçirilən lotereyanın ilk qalibi müəyyən olundu. 1500 manat məbləğində səyahət paketinin qalibi Kapital Bankın Bakı şəhərində yerləşən filiallarının birinə 18 ay müddətinə 30 000 ABŞ dolları məbləğində əmanət yerləşdirmiş xanım müştərimizdir.
