ExpressPay ödəniş terminallarına Azərsu kommunal xidmət təchizatçısının abonent kodları üzrə ödəmələri əlavə olunub. Artıq müştərilər istifadə etdikləri su üçün olan ödənişləri terminallar vasitəsilə asanlıqla həyata keçirə bilərlər. Yaxın gələcəkdə terminallarda Smart Kart üzrə Azərsu ödənişləri də həyata keçirmək mümkün olacaq.
Azərbaycanın bankçılıq tarixində ilk dəfə “Bank of Baku” kredit rəsmiləşdirilməsi üçün elektron arayışdan istifadə etməyi təklif edir. Bu yenilik, “Bank of Baku”-nun “Elektron Hökümət” portalı ilə əməkdaşlığı sayəsində baş verir. Müvafiq müqavilə Azərbaycan Respublikası Rabitə və Yüksək Texnologiyalar Nazirliyinin Məlumat Hesablama Mərkəzi və “Bank of Baku” arasında imzalanıb.
PAŞA Bankın 2014-cü ilin ilk 6 ayı üzrə maliyyə nəticələrini paytaxtın Four Seasons otelində keçirdiyi mətbuat konfransında açıqladı. Tədbirdə spiker qismində Bankın İdarə Heyətinin üzvü, Baş İnvestisiya İnzibatçısı Taleh Kazımov, Bankın Xəzinədarlıq Departamentinin Direktoru Bəhruz Nağıyev və Bankın Korporativ Kommunikasiyalar Departamentinin Direktoru Sona Abbasova çıxış etdilər.
Mələknisə Qurbanova: “Sevincimin həddi yoxdur. Unibank-dan 300 manat kredit götürmüşdüm. Bu gün mənə bankdan zəng vurdular ki, lotereyada 1000 AZN qazanmışam. Bank qalan borclarımı da bağlayıb. Bu mənim son aylarda eşitdiyim ən gözəl xəbərdi”.
Muğanbank müştərilərinə daha bir yeni xidmət – “Cash by Code” xidmətini təqdim etdi. “Cash by Code” xidməti vasitəsi ilə hətta plastik kartı olmayan şəxslər bankomatdan pul vəsaiti əldə edə bilərlər. Muğanbankın plastik kart sahibləri istər ATM (bankomat), istərsə də Mobile Banking xidməti vasitəsi ilə “Cash by Code” əməliyyatını həyata keçirmək imkanına sahibdirlər.
“Muğanbank” ASC-nin baş ofisində sentyabr ayının 15-də adsız istiqrazlar üzrə lotereyanın 39-cu tirajının nəticələri müəyyənləşdi.
İstaqraz sahibləri tərəfindən tirajın gedişatının rahat izlənilməsi üçün və prosesin şəffaflığını təmin etmək məqsədi ilə tədbir “Muğanbank” ASC-nin rəsmi saytında canlı yayımlandı.
Expressbank 21 iyul – 10 sentyabr 2014-cü il tarixləri arasında Zolotaya Korona təcili pul köçürmə sistemi ilə birgə “Hədiyyəli Köçürmələr“ adlı aksiya keçirib.
Aksiyanın qalibi, ən çox bonus qazanaraq Sumqayıt filialının müştərisi İ.Səfərov seçilib. Qalibə Samsung Galaxy Note 3 smartfonu təqdim olunacaq.
Müştəri xidmətləri səviyyəsinin artırılması üçün “AtaBank” ASC bir sıra filial və şöbələrində (Baş ofis, Monolit, Nəsimi, Səbail, Sumqayıt, Xaçmaz, Naftalan, Bakı filiallarında və MKX-Gəncə, Çinar şöbələrində) MilliÖN ödəniş terminalları quraşdırdı.
Davamlı İnkişaf Təşəbbüslər” İctimai Birliyi tərəfindən 12 sentybar tarixində Azərbaycan Banklar Assosiasiyası ilə birgə kredit təşkilatlarının nümayəndələrinin iştirakı ilə“Məsuliyyətli maliyyə: konsepsiya, qabaqcıl beynəlxaq təcrübə və kredit təşkilatlarında tətbiqi perspektivləri” mövzusunda seminar keçirilmişdir.
VISA beynəlxalq ödəniş sistemi “Bank of Baku”-nu VISA kartlarının ekvayrinq (kartların qəbul edilməsi) həcmini ən sürətlə artıran bank nominasiyasında Azərbaycanın maliyyə sektorunun ən yaxşı bankı elan edib.
