Tamara Mustafayeva, Banco.az
ABŞ prezidenti Co Bayden tənəzzül olacağını düşünmədiyini, əgər olsa belə, "çox cüzi" olacağını söyləyib.
Banco.az xarici mətbuata istinadən xəbər verir ki, CNN telekanalına müsahibə verən Bayden, "Hər altı aydan bir belə deyirlər və hər altı aydan bir növbəti altı aya baxıb nə olacağını proqnozlaşdırırlar", deyə bildirib.
"Mən tənəzzülün olacağını düşünmürəm. Bəlkə də, çox cüzi bir tənəzzül olacaq. Yəni, bir az aşağı enəcəyik”, deyə sözlərinə davam edib.
Xatırladaq ki, ölkənin aparıcı bankı "JPMorgan Chase"in baş icraçı direktoru Jamie Dimon bazar ertəsi günü altı-doqquz ay ərzində tənəzzül ola biləcəyi barədə xəbərdarlıq etmişdi.
Bizi sosial şəbəkələrdən izləyin!!
