Rusiyanın neft şirkəti "Rosneft"in rəhbəri İqor Seçin, ABŞ-ın Avropaya neft ixracını ötən il 2,5 dəfə artırdığını bildirərək, "ABŞ neftinin qlobal bazar payındakı artımı, çox zaman siyasi metodlarla təmin olunur. Avropa bazarına yönəlmiş məhdudiyyətlərdən ən çox ABŞ faydalanır",- deyib.
Seçin, İtaliyanın Verona şəhərində keçirilən Avrasiya İqtisadi Forumunda çıxışında, neft bazarlarına ilə bağlı fikirlərini bildirib.
Qlobal neft tələbinin 2040-a qədər artmasını gözlədiklərini qeyd edən Seçin, "Tələbatı ödəmək üçün neft şirkətlərinin hasilatlarını 2030-a qədər gündəlik 30 milyon barrel səviyyəsində artırmaları lazımdır",- ifadəsini istifadə edib.
Neftin, qlobal enerji istehlakında payının 2040-a qədər 34%-dən 30%-ə geriləyəcəyi proqnozunu səsləndirən Seçin, qlobal enerji bazarında fiziki istehlak həcmindəki artım göz önünə gətirildikdə, bu dövrdə neft tələbinin isə ən azı 10 faiz artacağını deyib.
Seçin, neft bazarlarındakı qeyri-sabitliyin nəzərə alınması lazım olduğunu vurğulayaraq, "Dünyadakı ticarət və sanksiya münaqişələri böyüyür. Yaradılan iqtisadi əlaqələr dağılma prosesinə girmiş durumdadır",- deyib.
ABŞ-ın sanksiyaları istifadə edərək neft bazarlarında üstünlük təmin etdiyini qeyd edən Seçin bildirib:
"ABŞ Avropaya neft ixracını ötən il 2,5 dəfə artırıb və 23 milyon tona qaldırıb. ABŞ neftinin qlobal bazar payındakı artımı, çox zaman siyasi üsullarla, "açar" oyunçuları saf-çürük etməklə təmin olunur. Avropa bazarına yönəlmiş məhdudiyyətlərdən ən çox ABŞ faydalanır".
Marja
