BP ABŞ-ın ən məhsuldar neft sahəsindən çıxır
Alyaskada 50 ildən artıq fəaliyyət göstərən BP, bu ştatdakı bütün paylarını 5,6 milyard dollara satmaq üçün razılaşıb
Böyük Britaniyanın neft və təbii qaz nəhəngi BP, ABŞ-ın Alyaska ştatında yerləşən və ölkənin ən məhsuldar neft məkanı kimi tanınan "Prudhoe Bay"dan çıxacağını açıqlayıb.
BP-dən bildiriblər ki, "Prudhoe Bay" daxil olmaqla, şirkətin Alyaska ştatındakı bütün paylarını ümumilikdə 5,6 milyard dollara Amerikanın "Hilcorp Energy Company" şirkətinə satmaq üçün razılaşıb.
BP Alyaskada 1959-da fəaliyyətə başlayıb və 1968-də ilk neft quyusunu açıb.
BP-nin ştatın şimal sahilində yerləşən "Prudhoe Bay"da 26 faiz payı olduğu qeyd edilən açıqlamada, 1977-ci ildən bu günə qədər 13 milyard barrel neft hasil edilən "Prudhoe Bay"ın ABŞ tarixindəki ən məhsuldar neft sahəsi olduğu vurğulanıb.
Açıqlamada fikirlərinə yer verilən BP-nin İcraçı direktoru Bob Dadli, şirkətin yarım əsrdən çoxdur ki, Alyaskada fəaliyyət göstərdiyini qeyd edərək, BP-nin uzunmüddətli strategiyası çərçivəsində ABŞ və dünyanın digər bölgələrindəki layihələrə fokuslanacağını bildirib.
ABŞ-da 3 ildə 20 milyard dollar investisiya
"Prudhoe Bay"da 26%-lik payına əlavə olaraq 1970-ci illərdə çəkilişinə kömək göstərdiyi 1200 kilometrlik Trans Alyaska Neft Boru Xəttində 49% payı olan BP-nin, Alyaskada bir çox neft və qaz sahəsi və boru kəmərlərində də payı var.
Alyaska ştatındakı günlük orta neft hasilatı 74 min barrel olan BP, ABŞ-ın Meksika körfəzindəki açıq dəniz fəaliyyətləri daxil olmaqla ölkə daxilində gündəlik orta hesabla 921 min barel neft hasil edir.
BP-nin son 3 ildə ABŞ-a ümumi investisiyası 20 milyard dolları keçib, şirkət bu ölkədə 3 zavod, 2 neft-kimya kompleksi və 7 mindən çox yanacaq stansiyası işlədir.
Alyaskanın ən böyük özəl neft və təbii qaz şirkəti olan "Hilcorp Energy Company"nin isə bu əyalətdəki günlük orta neft hasilatı 75 min barel təşkil edir.
Marja
