Facebook CEO-su Mark Zuckerberg, çərşənbə günü verdiyi açıqlamada Facebook, instagram və WhatsApp'daki alış-veriş və ödəmə xidmətlərinin gələcəkdə böyüməyi hədəfləyən xüsusiyyətlər olduğunu ifadə etdi.

Wall Street proqnozlarının üstünə çıxan 2019-cu ilin ilk rübdəki gəlir hesabatını dərc etdikdən sonra investorlarla danışan Zuckerberg, şirkətin böyüməyə istiqamətlənmiş gələcək planlarını paylaşdı. Bu müsahibədə analitiklər Zuckerberqdən İnstagram və WhatsApp sahibi Facebook-un alış-veriş və ödəmə xüsusiyyətləri barədə suallar verdilər. Zuckerberg, reklam platformasının Facebookun ən çox gəlir gətirən məhsulu olaraq davam edəcəyini, ancaq reklamların e-ticarət və ödəmə xüsusiyyətləriylə dəstəklənməsinin planlaşdırıldığını ifadə etdi. Bu şərhlərə görə şirkət, Facebook, Instagram və Facebook Marketplace üçün e-ticarət yönümlü məhsullar inkişaf etdirməyə davam edəcək. Eyni şəkildə istifadəçilərin bu platformalar üzərindən alış-veriş etməsini təmin edən yeni vasitələrin inkişaf etdirilməsi də gündəmdədir. Digər tərəfdən istifadəçilərin tətbiq daxilindəki alış-verişdə artım görüldükcə markaların da platformada daha çox reklama çıxması ehtimal edilir. Eyni şəkildə e-ticarət və ödəmə mərkəzli xüsusiyyətlərdəki artım ilə birlikdə, Facebook tətbiqinin dəyəri, xüsusilə müştəri təcrübəsi baxımından markaların və kiçik sahibkarların diqqətini çəkə bilər.

Pərvanə Aslanova, Banco.az