Beynəlxalq Valyuta Fondu (BVF) Vaşinqtonda keçirilən iclasında Misirə 2 milyard dollar vəsaitin ayrılması barədə qərar qəbul edilib.
Bu barədə Misirin maliyyə naziri Məhəmməd Muit məlumat verib.
Onun sözlərinə görə, Misirə maliyyə yardımının beşinci tranşı - 2 milyard dollar yaxın günlərdə ölkəyə köçürüləcək. Ümumilikdə, yeni tranşın ayrılmasını nəzərə almaqla Misirə maliyyə təşkilatı tərəfindən təqdim olunan vəsaitin ümumi həcmi 10 milyard dollar təşkil edəcək.
Qeyd edək ki, 2016-cı ilin noyabrında BVF-i Misirə 12 milyard dollar həcmində maliyyə yardımın göstərilməsi barədə qərar qəbul edib. Kredit Misir hökumətinin iqtisadı islahatların aparılması proqramına dəstək məqsədilə ayrılıb.
azərtac.az
