“Rabitəbank” ASC 2018-ci ilin 9 ayını 476 min manat xalis mənfəətlə başa vurub. Müqayisə üçün qeyd edək ki, Bank 2017-ci ilin 9 ayını 642 min manat xalis mənfəətlə bağlamışdı (35% azalma).
Bankın faiz gəlirləri ötən ilin 9 ayı ərzindəki 18 milyon 464 min manatdan bu ilin eyni dövründə 26 milyon 176 min manata yüksəlib (42% artım), qeyri-faiz gəlirləri isə 10 milyon 610 min manatdan 7 milyon 199 min manat düşüb (32% azalma). Cari ilin 9 ayının faiz və qeyri-faiz xərcləri gəlirlərdən çıxıldıqdan sonra xalis gəlirlər 18 milyon 12 min manat təşkil edib. Ötən ilin eyni dövründə xalis gəlirlər 14 milyon 651 min manat təşkil etmişdi.
“Rabitəbank” inzibati xərcləri 40%-ə yaxın artaraq 11 milyon 642 min manata, ehtiyatlara ayırması isə 9% artaraq 5 milyon 895 min manata yüksəldiyindən xalis mənfəəti aşağı düşüb.
Diqqəti cəlb edən Bankın kredit portfelinin 47,2% artaraq 292 milyon 20 min manata çatmasıdır. 30 Sentyabr 2017-ci il tarixində “Rabitəbank”ın kredit portfeli 198 milyon 372 min manat təşkil etmişdi.
Bankın cəmi aktivləri isə 656 milyon 158 min manatdan 730 milyon 308 min manata qalxıb.
30 Sentyabr 2018-ci il tarixində “Rabitəbank” 100 milyon 170 min manat məcmu kapitala malik olub.
Marja.az
